हामीले मासु, भात तथा घिउ मिसाएर त खुबै खान्छौं । तर, अबचाहिं घिउ र मासु खानुपर्ने छैन, भातमात्रै खाए पुग्नेछ । किनकि दक्षिण कोरियाली वैज्ञानिकहरुले मासु र चिल्लो मिसिएको चामल तयार पारेका छन् ।
दक्षिण कोरियाको योनसेइ विश्वविद्यालयका शोधकर्ताहरुले मासुको प्रोटिन र चिल्लो पदार्थ कोशिकाहरु (फ्याट सेल्स) ले युक्त हाइब्रिड चामल तयार पार्न सफल भएका हुन् । योसँगै भविष्यमा चामल नै मासुको विकल्प बन्ने देखिएको छ ।
गुलाबी रङको उक्त चामलमा सामान्य चामलमा भन्दा ८ प्रतिशत बढी प्रोटिन र ७ प्रतिशत बढी चिल्लो पदार्थ रहेको छ । यद्यपि हालका लागि वैज्ञानिकहरुले चामलमा गाईको मासुको प्रोटिन राखेका छन् र यो धेरैका लागि लागि धार्मिक रुपमा अभक्ष्य हुनसक्छ । तर यसबाट भविष्यमा अन्य जनावरको मासुबाट त्यसरी नै हाइब्रिड चामल तयार पारेर सबैले खान मिल्ने चामल तयार पार्ने बाटो खुलेको छ ।
शोधकर्तामध्येका एक पार्क सो हाइयोन भन्छन्- यस्तो हाइब्रिड चामलबाट हामीलाई चाहिने सबै खालका पोषण प्राप्त हुने कुराको कल्पना गर्नुस् त । हुनत भारतमा उच्च तहको पोषक तत्व पाइन्छ । तथापि यसमा जीवकोषहरु थप्दा त्यसको पोषक तत्वमा अझै वृद्धि हुन्छ।
शोधकर्ताहरुले प्रयोगशालामा चामलका छिद्रहरुमा जीव कोशिकाहरु कल्चर गरेर हाइब्रिड चामल तयार पारेका हुन् ।
हालका लागि उनीहरुले बधशालामा काटिएको गाईको मासु प्रयोग गरेका भएपनि भविष्यमा प्रयोगशालामै कृत्रिम रुपमा मासु उत्पादन गरी त्यसकै प्रयोग गरेर चामलाई हाइब्रिड बनाउने योजना छ । साथै उनीहरुले अन्य खालका मासु तथा माछाबाट समेत हाइब्रिड चामल तयार पार्न सकिने सम्भावनाको बारेमा अध्ययन गरिरहेका छन् ।
from विचित्र संसार – Online Khabar https://ift.tt/4i1ZUSR
0 comments:
Post a Comment